Qeveria i prish shtëpinë, kryefamiljari lutet: O Zot bëj mrekullinë!

Ndërtimi i Bulevardit të Ri ka sjellë pakënaqësi tek banorët që preken nga ky projekt. Në pjesën ku do të ndërtohet zgjatimi i bulevardit autoritetet kanë filluar shembjen e banesave, veprim ky i cili solli reagime të trishtueshme të banorëve. Në këtë video shihet reagimi i një burri, të cilit po i shembin shtëpinë duke mos i dhënë asgjë në këmbim. I mbetur tashmë në mes të katër rrugëve, ai reagon në këtë mënyrë. Banorëve të shtëpive që preken nga Bulevardi i Ri u është bërë vlerësimi i shtëpive jo sipas vlerës së tregut por sipas kostos së ndërtimit. Përveç kësaj, ata ende nuk kanë marrë as një këst të lekëve, dhe si pasojë kanë mbetur në qiell të hapur.